У Расіі запатрабавалі знішчыць адну з самых папулярных дзіцячых кніг 90-х. Яе можна купіць і ў Беларусі

апублікавана: 27 мая 2024 в 19.32
абноўлена: 27 мая 2024 в 23.15
«Зеркало»

Пракуратура ў Краснаярскім краі Расіі запатрабавала выключыць і знішчыць адну з самых папулярных дзіцячых кніг 90-х - «Шкодныя парады» Рыгора Остэра, піша выданне «Подъём».

Фрагмент вокладкі кніг «Шкодныя парады» Рыгора Остэра выдання «АСТ» 2014 года. Фота: oz.by

Фатаграфіі адпаведнага дакумента пракуратуры апублікаваў журналіст Антон Арэх, яму іх даслалі падпісчыкі. Там гаворыцца, што дзіцячая кніга не мае пазнакі 18+.

Фрагмент дакумента пракуратуры з апісаннем кнігі «Шкодныя парады». Фота: Telegram/pdmnews

У дакуменце адзначаецца, што ў кнізе ёсць «апісанні жорсткасці, фізічнага і псіхалагічнага гвалту, антыграмадскія дзеянні, якія выклікаюць у дзяцей страх, жах ці паніку».

Адзначым, што ў Беларусі кніга свабодна прадаецца: яе можна купіць як мінімум у 20 гарадах, уключаючы сталіцу і абласныя цэнтры. Цана выдання - каля 11 рублёў.