Памятаеце мужчыну, якому «не дазваляюць заводзіць коціка»? Ролік заўважыў расійскі дызайнер Лебедзеў — і абразіў беларуса

Гісторыя мінчука, які ходзіць па выставах катоў, бо яму не дазваляюць заводзіць свайго, атрымала працяг. І гэта не доўгачаканага гадаванца (як можна было падумаць), а каментар у адрас беларуса ад расійскага дызайнера Арцемія Лебедзева. Відэа са словамі расіяніна і сваёй рэакцыяй мужчына выклаў у TikTok.

@krasovskivv #котики #лебедев #импотент #слава ♬ оригинальный звук — krasovskivv

У роліку пасля кароткай прадмовы беларуса: «Як гісторыя пра коцікаў зрабіла мяне бяздомным імпатэнтам», — паказаны ўрывак з відэа Лебедзева, дзе ён каментуе навіну.

— Нейкі мужык настолькі несамастойны, што не можа сам сабе забяспечыць уласнае жыллё, таму, мабыць, сядзіць на шыі ў кагосьці. І той, у каго ён сядзіць на шыі, не дае яму заводзіць дома коцікаў. Таму ён іх не заводзіць, бо інакш кажа, што яго проста выганяць на**й. Ну, а паколькі сам ён імпатэнт і не ў стане сабе нічога ў жыцці арганізаваць, ён проста ходзіць на шоу коцікаў, для таго каб там імі замілоўвацца, — заявіў расіянін.

Сам аўтар «заляцелага» роліка ставіцца да такога каментара з іроніяй.

— Вось такія высновы можна зрабіць з хвіліннага відэа пра коцікаў: я бяздомны імпатэнт, — кажа ён. — Напэўна, гэта адваротны бок славы, якая звалілася на мяне літаральна на мінулым тыдні. <…> За што рэдактары Арцемія Лебедзева вылілі на мяне столькі бруду, я не разумею.

У відэа ўжо 140 тысяч праглядаў. У каментарах пад ролікам карыстальнікі цалкам на баку мужчыны:

• «А я не ведала, што паважаць сваіх сужыцеляў — гэта быць бяздомным імпатэнтам. Атрымліваецца, я таксама такая», — піша карыстальніца victoria_has_a_secret.
• «Таксама была ў шоку, нават не ведаючы вас і рэальнай сітуацыі, з чаго такія высновы — незразумела. Калі дома могуць быць алергікі з сур’ёзнымі сімптомамі», — падтрымлівае беларуса карыстальніца з нікам oxy.
• «Вы вельмі мілы і добры чалавек, калі ласка, не слухайце нікога. Гэта наогул нічыя справа, хто дзе жыве і як», — упэўненая hyppie.community.
• «Мужык, нікога не слухай, ты наогул круты, шчыра зычу табе ўсяго самага добрага і светлага», — заклікае killahjunk.
• «Вы знялі вельмі мілае відэа пра выставу. Тое, што хтосьці ў сям'і супраць гадаванца, — гэта абсалютна нармальна! Мне таксама не дазваляюць, і што з таго? Я часам хаджу да сяброў пагуляць з іх катамі», — дзеліцца user7127038253626.

Прыляцела і расійскаму дызайнеру:

• «Чаму Лебедзеў кожнае відэа расказвае сваю біяграфію?»
• «Ён заўсёды так навіны падае, напрыдумляе ў іх усё, што толькі можна».
• «Лебедзева можна слухаць толькі без гуку».
• «Гэта наогул абраза, яшчэ і масавая, я б у суд за такое падаў, хай просіць прабачэння».
• «Як мяне раздражняе Лебедзеў, захапляюся вашым спакоем!»

Чытайце таксама